Categories
Ìròyìn

Olùkọ́ Yunifásitì Kan Ní Òǹdó Ti Kú Sínú Ọkọ̀

YBTC News YORÙBÁ— Olùkọ́ kan ní ẹka ẹ̀kọ́ ìmọ̀ ayé ilé ìwé ńlá Adekunle Ajasin, ìlú Àkùngbá Àkókó, ní ìpínlè Òǹdó Ọ̀jọ̀gbọ́n Ọlátúndé Adégbuyi ni ó ti ìròyìn sọ pé ó kú sí inú ọkọ̀ rẹ̀.

Ohun tí ó ṣe okùnfà ikú rẹ̀ kò yé wá títí di àsìkò yìí. Ọ̀kan nínú àwọn alábágbé rẹ̀ ló ṣe àkíyèsí òkú rẹ̀ nínú ọkọ rẹ̀ tí ó wà ní ẹ̀gbẹ́ títì Akungba.

Ìròyìn fi yé wa wípé olóògbé náà ṣẹ̀ṣẹ̀ fẹ̀yìn tì lẹnu iṣẹ́ ni, ṣùgbón ó sì ní ajọṣepọ pẹlu ilé ìwé náà. A gbọ́ wípé àlàáfíà ló wà ní gbogbo òwúrọ̀ Ọjọ́ rú kí ó tóó kú.

Agbẹnusọ ilé iṣẹ́ ọlọ́pàá ìpínlẹ̀ náà, Tee-Leo Ikoro sọ wípé lóòtọ̀ ni ọ̀rọ̀ náà. Ó ní àwọn tí ń ṣe ìwádìí ohun tí ó fa ikú olùkọ́ náà.

Ó ṣàlàyé wípé nígbà tí àwọn dé ibi òkú náà, kò sí àpẹẹrẹ wípé ẹnikẹ́ni fi ọwọ́ kàn-án. Ó ní ọmọ àádọ́rin ọdún ni olóògbé náà.