Categories
Ìròyìn

Wọ́n Ní Kí Olúwó Lọ Rọ́kúnlé Fún Oṣù Mẹ́fà Nàá – Ìgbìmọ̀ Lọ́balọ́ba Ìpínlẹ̀ Osun

YBTC News Yoruba—Olúwó ti ìlú Ìwó, Ọba Abdurasheed Akanbi ni àpapọ̀ ẹgbẹ́ àwọn lọ́balọ́ba ní ìpínlẹ̀ Osun ti ní kí ó lọ rọ́kúnlé ná fún oṣù mẹ́fà ní ọjọ́ ẹtì.

Ẹgbẹ́ náà tún ṣe ìfilọ́lẹ̀ ìgbìmọ̀ tuntun tí Ọ̀rẹ̀gún ti ìlú Ìlá sì jẹ́ olórí ìgbìmọ̀ náà. Ìṣẹ́ ìgbìmọ̀ náà ni láti ṣe ìwádìí awuyewuye tí ó ń jà nílẹ̀ báyìí láàrin Olúwó àti àwọn ọba mìíràn ní ìlú Ìwó.

Àwọn Ọba náà nínú ìpàdé pàjáwìrì tí wọ́n ṣe ní olú ilé iṣẹ́ ìjọba ìpínlẹ̀ Osun ní Abere, ni a ti rí Ọ̀ọ̀ni ti Ifẹ̀, Ọba Adeyeye Ogunwusi tí ó darí ìpàdé náà. Ní bẹ̀ ni àwọn Ọba náà ti fẹnu kò láti ní kí Olúwó lọ rọ́kúnlé fún oṣù mẹ́fà náà.